Vous êtes ici : Accueil -> Chronologie de l’histoire locale -> 1439 - 1447 - La Révolte de la Praguerie et les écorcheurs -> 1440 - Soumission de Jean de La Rochefoucauld au roi Charles (...)

1440 - Soumission de Jean de La Rochefoucauld au roi Charles VII

La fin de la révolte de la Praguerie

D 16 juillet 2013     H 16:04     A Pierre     C 0 messages A 345 LECTURES


agrandir

Jean de La Roche (il ne porte pas encore le nom de La Rochefoucauld), seigneur de Barbezieux, fait partie des nobles qui ont pris les armes, avec le Dauphin, contre le roi Charles VII. La révolte enflamme particulièrement la Saintonge, l’Angoumois et le Poitou. Elle sera de courte durée, et les seigneurs rebelles se soumettent au roi.

Source : Recueil des documents concernant le Poitou contenus dans les registres de la Chancellerie de France - Archives Historiques du Poitou - T XXIX - Poitiers - 1898 - BNF Gallica

Soumission de Jean de La Roche. 2 octobre 1440.

Sachent tous que je Jehan de La Roche, seigneur de Barbezieux et de Mucidan, ay juré et promis sur les sains ewangiles Dieu nostre Seigneur et sur mon honeur, jure et promet par ces presentes d’estre bon et loyal au roy mon souverain seigneur, et de le servir à 1’encontre de tous qui pevent vivre et mourir, et de lui obeir en toutes choses, comme bon et loyal subgiet doit et est tenu obeyr a son souverain seigneur.

Item, ay aussi juré et promis, promet et jure en bonne foy de vuyder et faire vuyder toutes et chacunes les places et forteresses tenues et occuppees par moy ou par mes gens ès païs de Poictou, Xanctonge et Angoumoys dès la riviere de la Charante en venant vers les diz pais de Poictou, Xanctonge et Angoumoys, et de rendre, faire bailler et delivrer reaulment et de fait toutes les dictes places el forteresses ès mains de ceulx à qui elles appartiennent ou qui y auront la haulte justice, soient gens d’eglise ou autres, et en faire vuyder toutes manieres de garnisons et gens de guerre estans avec moy, ou de mes dictes gens, non compris toutesvoies en ce les places qui seroient à monsieur mon pere et à moy, èsquelles, ne ès autres places tenues de par moy, quelque part que soient, je jure et promet comme dessus, que je ne mettray ne tiendray, ne feray mettre ne tenir gens qui facent ne portent mal ne domaige au roy ny a ses subgiez des diz pays.

Item, et pour ce que j’ay tousjours desiré et desire de tout mon cuer servir le roy, mon souverain seigneur, en toutes ses guerres et affairez, et que de present en ma personne, obstant certain empeschement de maladie, ne puis aler le servir ou voyage qu’il fait de present ou pais de Normandie contre ses anciens ennemis, j’ay promis et jure, jure et promet par ces presentes de lui envoyer dedans le vintiesme jour de ce present moys d’octobre, les gens d’armes et de trait de ma compaignie et qui sont soubz moy, en plus grant nombre que je pourray, pour le servir oudit voyage et faire tout ce qui lui plaira, et d’en deschargier les diz pays, et de faire cesser doresenavant èsdiz païs mes gens et qui sont soubz moy de toutes guerres, estrades, courses, pilleries, roberies, ransonnemens, marcquez, apatiz ; et s’il avenoit que eulx ou aucun d’eulx faisoient le contraire des choses dessus dictes, ou avoient fait depuis le XXe jour de septembre derrenier passé, j’ay promis et promet au roy en bonne foy, par ces presentes, de le faire reparer et amander à ceulx qui seroient endommaigés et injuriez, moy deuement informé sur ce, et de faire tenir, garder, excequter et acomplir les choses dessus declairées, et non faire ne venir encontre.

Et en tesmoign de ce, j’ay mis et apposé à ces presentes mon propre seel de mes armes et mon seign manuel.

Donné et fait à Engoulesme, le second jour d’octobre l’an mil CCCC. quarante.

[Signé :] Jehan de la Roche.

Traces de sceau plaqué en cire rouge.
[Contresigné :] Majoris, avec paraphe.

[Au-dos :]

Je Guillaume Rengeart, notaire et juré soubz le scel royal establi aux contraictz sur le Pont de Xainctes pour le roy nostre sire, certiffie avoir esté present comme noble et puissant seigneur Jehan de La Roche, seigneur de Barbezieux et de Mussidan, a juré aux sainctes ewangiles de Dieu, touchié le livre, ès mains de honorable et noble homme maistre Pierre Gaboreau, chantre de Saint Hilaire le Grant de Poictiers, conseiller du roy nostredit seigneur en sa court de Parlement, et messire Guillaume de La Roche, chevalier, seigneurde Brieuil, à ce commis de par icelui seigneur, d’estre bon et loyal au roy nostre dit seigneur, et faire tenir et acomplir tous les points et articles contenuz au blanc de ces presentes, en la presence de nobles hommes Guillaume de La Roche, escuier, seigneur de Melleran, et deThibaut de La Coublaye, escuier, seigneur de Puyagu, et plusieurs autres. En tesmoing des quelles choses, j’ay mis en ceste presente certifficacion mon seing manuel, le second jour d’octobre l’an mil CCCC. quarante.

[Signe :] G. Rengeart.

(Original. Arch. nat., K 1217, n° 5.)

Nous, Pierre Gaboreau, chantre de Saint Hilaire le Grant de Poictiers, conseiiler du roy nostre seigneur en sa court de Parlement, et Guillaume de La Roche, chevalier, seigneur de Brieuyl, commis de par honnorables et saiges hommes messieurs de la Caylhere, president en la dicte court, 1’abbe de Saint Maixent, maistre Guillaume de Charpaignes, maistre des requestes de l’hostel du roy, et autres du conseil d’icelluy seigneur, estans lors en la ville de Poictiers, pour aler en Engoulesme recevoir et prandre le serement de noble homme Jehan de La Roche, seigneur de Barbezieux et de Mucidant, sur certains pointz et articles contenuz ès lettres ausquellesces presentes sont atachées, soubz l’un de noz seaulx, certiffions par ces mesmes presentes a touz ceulx à qui il apartient que, le second jour de cest present moys d’octobre l’an mil IIIIC quarante, nous estans en la dicte ville d’Angoulesme, en l’ostel des Jacopins, receusmes le serement dudit Jehan de La Roche, en la presence de nobles hommes Guillaume de La Roche, seigneur de Mesleran,Thibault de La Coublaye, escuiers, et de Guillaume Rengeart, notaire royal soubz le seel establi aux contraix sur le pont de Xainctes pour le roy nostre dit seigneur, et de plusieurs autres gentilz hommes et autres gens estans presens. Lequel Jehan de La Roche jura et promist en noz mains, aux saints ewangiles Dieu nostre Seigneur et sur son honneur, d’estre bon et leal au roy et de le servir à 1’encontre de touz qui pevent vivre et mourir, et de luy obeir en toutes choses, comme bon et loyal subgiet doit et est tenu obeir a son souverain seigneur. Et avecques ce jura et promist comme dessus de faire, tenir, garder et acomplir toutes et chacunes les choses contenuez ès dictes lettres, lesquelles furent leues en sa presence de mot à mot, et lesquelies il ouyt et entendit, et les eut agreables et icelles signa, en nostre presence, de son seing manuel et fit seeler de son seel.

Item, certiffions que, les jour et an dessusdiz, nous, en la presence de Jehan Choysel, huissier de Parlement, et de Laurens de Berthevis, lieutenant du cappitaine de Champaigne Saint Hilaire, et de plusieurs autres, receusmes le serement de nobles hommes Guyot de La Roche, escuier, messire Pierre de Saint Gelays, chevalier, Olivier Perceval, Jehan Raymond, Mathieu Embasmat, Andre de Seyvre, Pierre Deschamps, Perrinet Queffaut et Anthoine Foulquet, escuiers.

Item, certiffions que, le tiers jour dudit moys d’octobre l’an que dessus, nous estans en la ville de Tusson, en la presence des dessus diz Choysel et Berthevis, receusmes le serement de Pierre Saunier, cappitaine dudit lieu.

Item, certiffions aussi que, ledit tiers jour dudit moys d’octobre, nous estans en la ville de Courcosme, receusmes le serement de Symon de Barro, escuier.

Item et avecques ce, certiffions que, ledit tiers jour dudit moys d’octobre, nous estans en la ville de Rouffec, receusmez le serement de Alain Merlet, dit Tambourlant, escuier, qui estoyent touz de la compaignie dudit Jehan de La Roche, lesquelx et chacun d’eulx promistrent et jurerent comme dessus d’estre bons et loyaulx au roy nostre dit seigneur et de le servir à 1’encontre de touz qui pevent vivre et mourir, et de luy obeir en toutez choses, comme bons et loyaulx subgietz doyvent et sont tenuz obeir a leur souverain seigneur.

En tesmoing des quelles choses, nous avons signé ces mesmes presentes de noz seings manuelx et seellées de noz seaulx, le cinquiesme jour dudit moys d’octobre et l’an dessus dit.

[Signe :] P. Gaboreau, G. de La Roche. (Traces de sceau plaqué.)

(Original. Arch. nat, K 1217, n° 6.)

Répondre à cet article

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
  • [Se connecter]
Votre message
Ajouter un document

Suivre les commentaires : RSS 2.0 | Atom

Les mots-clés de l'article

pour en savoir plus sur : 1422-1461 Charles VII le Victorieux - 1439-1447 Révolte de la Praguerie - 16 Angoulême - 16 Barbezieux-Saint-Hilaire - 16 Courcôme - 16 Ruffec - 16 Tusson - 17 Saintes - 15e siècle - Province Angoumois - Province Poitou - Province Saintonge - Rochefoucauld (de la) -

Chercher dans le site

Les plus lus --- Les 50 +

1.  Calendrier révolutionnaire ou républicain - Conversion en date grégorienne

2.  Carte satellite des voies romaines, des chemins anciens de Saintonge, Aunis et Angoumois

3.  Conversion des monnaies d’avant la Révolution en valeur actuelle

4.  FAQ & R - Le Forum Aux Questions ... & aux Réponses

5.  Carte satellite Googlemap avec moteur de géolocalisation : rechercher une ville, une commune, un village


5 articles au hasard

1.  1757 - The Royal Navy attacks the Island of Aix - Diary of an English soldier

2.  1882 - Bulletin de la Société des Archives Historiques de Saintonge et d’Aunis

3.  1496 - Cognac (16) : La bibliothèque de Charles d’Orléans, comte d’Angoulême

4.  1570 - Visite guidée de la Rochelle par Henri-Lancelot Voisin de La Popelinière

5.  1807 - Routes, marais, canaux en Poitou-Charentes : Projets impériaux de grands travaux


Les plus populaires --- Les 50 +

1.  Conversion des monnaies d’avant la Révolution en valeur actuelle

2.  Carte satellite des voies romaines, des chemins anciens de Saintonge, Aunis et Angoumois

3.  Archives Historiques de Saintonge et d’Aunis - 16ème siècle - 1500-1549 - Table chronologique des sources

4.  FAQ & R - Le Forum Aux Questions ... & aux Réponses

5.  Carte satellite Googlemap avec moteur de géolocalisation : rechercher une ville, une commune, un village


Brèves --- Toutes

1.  Au château de la Roche Courbon, fête de la préhistoire les 23 et 24 avril 2016

2.  Antiquité-Avenir. Réseau des Associations liées à l’Antiquité - Communiqué de presse

3.  Temples de la Saintonge Maritime : Une histoire mouvementée

4.  2.644.259 visiteurs sur Histoire Passion - Statistiques au 31/12/2013

5.  Archéologie et histoire du fleuve Charente à Taillebourg - Port d’Envaux