Histoire Passion - Saintonge Aunis Angoumois

Accueil > Chronologie de l’histoire locale > Le Moyen-âge > 1453 - 1541 - Evènements divers > 1490 (c) - Charles d’Angoulême rassemble l’arrière-ban et (...)

1490 (c) - Charles d’Angoulême rassemble l’arrière-ban et organise l’arrière

mardi 6 octobre 2009, par Pierre, 742 visites.

Royan, Mornac-sur-Seudre et Rochefort constituent la ligne de défense pour protéger cette partie du royaume de France, "pour tenir en seurté ledit pays de Guyenne et obvyer aux descentes et entreprises que les ennemys et adversaires de mon dit seigneur le Roy et du royaume se sont vantez et pourroient faire en icelluy par les rivieres de Gironde, de Seuldre et de Charante". En cette période, les puissances maritimes sont l’Espagne, le royaume de Naples, Venise, l’Angleterre. Et les alliances changent rapidement.

Source : Archives historiques du Poitou. T. 1 - 1872 - BNF Gallica

Mandement du gouverneur de Guyenne pour la garde des châteaux de Royan, Mornac et Rochefort.

Copie du XVIe siècle, pap. ; chartrier de Thouars, Taillebourg, Communication de M. P. Marchegay

Sans date (1489 – 1494 [1])

Charles comte d’Angoulesme, seigneur d’Espernay et de Remourantin, per de France, lieutenant general et gouverneur pour monseigneur le Roy en ses pays et duché de Guyenne, à nostre très chier et très amé frère le comte de Taillebourg, salut.

Comme nous ayons deuement esté advertiz et informez que pour tenir en seurté ledit pays de Guyenne et obvyer aux descentes et entreprises que les ennemys et adversaires de mon dit seigneur le Roy et du royaume se sont vantez et pourroient faire en icelluy par les rivieres de Gironde, de Seuldre et de Charante, esquelles ilz peuvent entrer et venir par mer, soit besoing et chose tres necessaire et convenable de pourveoir à ce que les villes, chasteaulx et places fortes estans sur lesdictes rivieres soient bien et seurement gardées et mesmement les villes, chasteaulx, et places de Royan sur Gironde, Mornac sur la Seuldre et Rochefort sur Charante, qui sont les premières et principalles places fortes et les plus près des entrées des dictes rivieres et par lesquelles, si elles tumboient es mains desdits ennemys par faulte de garde, ilz pourroient faire de grans et inreparables maulx et mectre le surplus du pays en leur subgection, comme autresfoiz ont fait en celle façon, parce que par lesdictes places pourroient à toute heure avoir secours de tous coustez par mer, qui seroit à la très grant foulle et charge de mon dit seigneur le Roy et de nous, et la destruction du pauvre peuple par quoy de tout nostre cuer desirons y donner ordre et provision ainsi qu’il a pleu à mon dit seigneur le Roy nous en donner la charge et en avoir fiance en nous.

A ceste cause et pour ce que souventes fois ledit seigneur mande et fait marcher hors du pays de Xainctonge les nobles de l’arriere ban d’icelluy, allocasion de quoy, et qu’il n’y a aucunes garnisons de gens de guerre, ledit pays demeure desnuë et desgarny de gens ; tellement que si lors lesdits ennemys et adversaires vouloient faire quelques descentes par lesdictes rivieres, à peine y pourroit l’on remedier, et par ce moyen se pourroient fortifier et retirer esdictes villes et places fortes si elles n’estoient gardées de gens seurs et feables comme il est requis, qui se puissent lever et faire résidence durant le temps que les nobles du dit arriereban seroient hors ledit pays afin que domage et inconvénient n’en adviengne et pour plusieurs autres causes et consideracions à ce nous mouvans, et que mieulx pourront servir ledit seigneur ceulx qui demeureront es dictes places qu’ilz ne feroient en la compagnie des autres dudit arrière ban, ayons aujourduy ordonné et ordonnons en nostre conseil que es dictes places de Royan, Mornac et Rocheffort seront et demeureront d’ores en avant, pour la garde et seurté d’icelles, neuf gentitzhommes dudit pays de Xainctonge, qui est pour chascune place troys gentitzhommes, les quelz seront par vous choisiz, nommez et esleus en voz terres et seigneuries dudit pays, et lesquelx seront tenuz y faire résidence durant le temps que les autres nobles dudit pays seront ailleurs hors d’icelluy au service dudit seigneur, en telz et semblables habillements qu’ilz ont acoustumé servir audit arriereban, sur semblables peines que s’ilz deffailloient d’aller audit arriereban.

Si vous prions et neantmoins, pour ce que lesdictes places de Royan, Mornac et Rocheffort vous appartiennent et qu’il est question des affaires de mondit seigneur le Roy et dudit pays de Guyenne, mandons et commandons de par mondit seigneur le Roy et nous, que ledit numbre de neuf gentilzhommes qui par vous seront choisiz et esleuz des plus seurs et feables pour ledit seigneur et vous, vous faictes des maintenant et d’ores en avant, quant ledit arriereban sera crié et mandé, retirer esdictes villes, chasteaulx et places de Royan, Mornac et Rocheffort, assavoir est en chascune d’icelles trois gentilzhommes, en leur faisant exprès commandement et enjonction, de parledit seigneur et nous, de illecques se tenir et servir en telz habillemens qu’ilz auront acoustumé servir audit arriereban, tant et si longtemps et par toutes les foiz et quantes que les autres nobles dudit pays marcheront et seront hors d’icelle pour le service dudit seigneur.

Et ce faisant nous les avons exemptez et exemptons de non aller d’ores en avant ne comparoir audit arrière ban, et iceulx en ferons tenir quictes et exemps partout où il appartiendra.

De ce faire, etc. etc.


[11489, date de la nomination comme gouverneur de Guyenne ; 1494, date de la mort du comte d’Angoulême

Un message, un commentaire ?

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Se connecter
Votre message

Pour créer des paragraphes, laissez simplement des lignes vides.

Lien hypertexte

(Si votre message se réfère à un article publié sur le Web, ou à une page fournissant plus d’informations, vous pouvez indiquer ci-après le titre de la page et son adresse.)

Ajouter un document

Rechercher dans le site

Un conseil : Pour obtenir le meilleur résultat, mettez le mot ou les mots entre guillemets [exemple : "mot"]. Cette méthode vaut également pour tous les moteurs de recherche sur internet.